ᖃᓂᑦᑐᖅ
ᕆᔭᐃᓇ, ᓴᔅᑳᑦᓱᐊᓐ
ISM, Kyndryl ᑲᒻᐸᓂᐅᔪᖅ ᐊᒻᒪ ᑲᓇᑕᐅᑉ ᐱᖓᖕᓇᖅᐸᓯᐊᓂ ᓯᕗᒃᑲᖅᑕᖅᑎᐅᖃᑕᐅᓪᓗᓂ ᖃᕆᑕᐅᔭᓕᕆᔾᔪᑎᓄᑦ ᐱᔨᑦᑎᕋᖅᑎᓄᑦ, ᐅᓪᓗᒥ ᑐᓴᖅᑎᑦᑎᖅᑲᐅᕗᑦ ᐱᐅᓯᒋᐊᖅᓯᒪᔪᒥᒃ ᖃᕆᓴᐅᔭᓕᕆᔾᔪᑎᒥᒃ ᐊᐅᓚᑕᐅᔪᒥᒃ ᐱᔨᑦᑎᕋᐅᑎᒥᒃ ᐋᖅᑭᒃᑕᐅᓯᒪᓪᓗᓂ ᐱᔭᐅᔭᕆᐊᓕᖕᓄᑦ ᑲᓇᑕᒥ ᑲᑐᔾᔨᖃᑎᒌᓄᑦ ᓄᑖᙳᕆᐊᖅᑎᑦᑎᕙᓪᓕᐊᑎᓪᓗᒋᑦ ᐱᓕᕆᔾᔪᑎᓂᒃ ᐊᕙᑎᖏᓐᓂᒃ ᐊᐅᓚᑦᑎᑦᑎᐊᕐᓂᖅᓴᐅᓗᑎᒡᓗ ᑎᑎᖅᑲᓂᒃ, ᐱᓕᕆᐊᒃᓴᓂᒃ ᐊᒻᒪ AI ᐊᑐᓕᖅᑕᐅᔪᓂᒃ. ᑖᓐᓇ ᐱᔨᑦᑎᕋᐅᑎ ᐱᑎᑦᑎᕙᒃᐳᖅ ᐊᑐᖅᑎᓂᒃ ᑲᑎᙵᑦᑎᐊᖅᑐᓂᒃ ᖃᕆᓴᐅᔭᓕᕆᔾᔪᑎᓂᒃ ᐊᐅᓚᑦᑎᔾᔪᑎᓂᒃ, ᐃᑲᔪᖅᓱᖅᑕᐅᓪᓗᑎᒃ Kyndryl ᓄᓇᕐᔪᐊᓕᒫᒥ ᖃᐅᔨᒪᓂᕆᔭᖏᓐᓂᒃ ᐊᒻᒪ ᐱᓕᕆᖃᑎᒋᔭᖏᓐᓂᒃ.
ᑲᑐᔾᔨᖃᑎᒌᒡᕖᑦ ᓇᓕᒧᒌᒃᑎᑦᑎᕙᓪᓕᐊᑐᐃᓐᓇᖅᐳᑦ ᐱᕚᓪᓕᕈᑕᐅᕙᒃᑐᓂᒃ cloud−ᒧᑦ ᓄᑖᙳᕆᐊᖅᓯᒪᔪᓄᑦ ᐊᖏᒡᓕᕙᓪᓕᐊᑐᐃᓐᓇᖅᑐᓄᑦ ᐱᔭᐅᔭᕆᐊᓕᖕᓄᑦ ᖁᐊᖅᓵᕐᓇᖅᑕᐃᓕᒪᓂᕐᒧᑦ, ᒪᓕᑦᑎᐊᕐᓂᕐᒧᑦ, ᐊᑭᓄᑦ ᐊᐅᓚᑦᑎᕝᕕᖃᖅᐸᖕᓂᕐᒥᒃ ᑎᑎᕋᖅᓯᒪᔪᓂᒡᓗ ᐊᐅᓚᑦᑎᕝᕕᖃᖅᐸᖕᓂᕐᒧᑦ. ᑖᓐᓇ ISM ᐱᔨᑦᑎᕋᕐᓂᖅ ᐃᑲᔪᖅᐸᒃᐳᖅ ᐊᑐᖅᑎᓂᒃ ᓂᕈᐊᕆᔭᖃᕐᓂᕐᒥᒃ ᓈᒻᒪᒃᑐᓂᒃ ᑲᑎᙵᔪᓂᒃ ᑭᒃᑯᑐᐃᓐᓇᓄᑦ cloud−ᒥᒃ, ᐃᓛᒃᑰᖅᑐᒥᒃ cloud−ᒥᒃ AI ᐊᔪᙱᓐᓂᕆᔭᖏᓐᓂᒃ ᐱᔭᕆᐊᖃᖅᑕᖏᓐᓄᑦ, ᐊᔪᕈᓐᓃᖅᑎᑦᑎᓪᓗᑎᒃ ᓄᑖᙳᕆᐊᖅᑎᑦᑎᓂᕐᒥᒃ ᑕᐃᒪᐃᓕᐅᕐᓂᕐᒥᓂᓗ ᑲᔪᓯᑎᑦᑎᓗᑎᒃ ᐊᐅᓚᑦᑎᓂᕐᒥᒃ ᐱᒻᒪᕆᐊᓗᖕᓂᒃ ᐱᓕᕆᐊᒃᓴᓂᒃ ᑎᑎᕋᖅᓯᒪᔪᓂᒡᓗ.
"ᐊᑐᖅᑎᕗᑦ ᕿᓂᖅᐳᑦ ᑕᑎᒋᔭᐅᔪᓐᓇᑦᑎᐊᖅᑐᓂᒃ ᐱᓕᕆᖃᑎᒋᕙᒃᑕᒥᓂᒃ ᐃᑲᔪᕈᓐᓇᖅᑐᓂᒃ ᓇᒧᙵᐅᕙᓪᓕᐊᓂᕆᔭᖏᓐᓂᒃ ᐊᖏᒡᓕᕙᓪᓕᐊᑐᐃᓐᓇᖅᑐᓂᒃ ᐊᔪᕐᓇᕈᔪᒃᑐᓂᒃ ᐱᓕᕆᔾᔪᑎᓄᑦ ᐋᖅᑭᒃᓯᒪᓕᖅᑎᑦᑎᓂᕐᒥᒃ," ᐅᖃᓚᐅᖅᐳᖅ ᑎᐴᕆ ᐸᕼᐊᐅᒥᒃ, ᐊᐅᓚᑦᑎᔨᒻᒪᕆᒃ, ISM. "ᓄᑖᙳᕆᐊᖅᑎᑦᑎᒐᓗᐊᖅᐸᑕ ᐊᑐᖅᑕᐅᕙᒃᑐᑐᖃᕐᓂᒃ ᐊᕙᑎᒋᔭᐅᔪᓂᒃ, ᐊᑐᓕᖅᑎᑦᑎᓗᑎᒃ AI ᑭᐅᓯᓂᕐᒥᒡᓘᓐᓃᑦ ᑎᑎᕋᖅᓯᒪᔪᓂᒃ ᐊᐅᓚᑦᑎᕝᕕᖃᕐᓂᕐᒧᑦ ᐱᔭᐅᔭᕆᐊᓕᖕᓂᒃ, ᐊᑐᖅᑎᐅᔪᑦ ᐱᔭᕆᐊᖃᖅᐳᑦ ᐱᓕᕆᔾᔪᑎᓄᑦ ᖃᓄᐃᓕᐅᖅᑕᐅᕙᓪᓕᐊᔪᒪᔪᓂᒃ ᓇᓕᒧᒃᓱᖅᑐᓂᒃ ᓇᖕᒥᓂᕆᔭᒥᓄᑦ ᓯᕗᓪᓕᖅᐸᐅᑦᑎᐅᑎᓯᒪᔭᖏᓐᓄᑦ. ᐱᓕᕆᐊᒃᓴᕆᕙᕗᑦ ᐃᑲᔪᕐᓗᒋᑦ ᑐᓴᐅᒪᑦᑎᐊᕐᓗᑎᒃ ᐋᖅᑭᒃᓯᒪᓕᖅᑎᑦᑎᓂᕐᒥᒃ ᐅᔾᔨᕈᓱᓕᕐᓗᑎᒡᓗ ᐱᐅᓂᖅᓴᓂᒃ ᐱᓕᕆᔾᔪᑕᐅᕙᒃᑐᓄᑦ ᐃᓕᐅᖅᑲᐃᕙᓪᓕᐊᓂᕆᕙᒃᑕᒥᓄᑦ."
ᐃᑲᔪᖅᑐᕈᒪᓪᓗᒍ ᐊᖏᒡᓕᕙᓪᓕᐊᑐᐃᓐᓇᖅᑐᖅ ᐱᔭᐅᔪᒪᕙᒃᑐᖅ hybride cloud−ᒧᑦ AI ᐱᔨᑦᑎᕋᕐᓂᕆᔭᐅᕙᒃᑐᓄᓪᓗ, ISM ᓂᕆᐅᒃᑐᑦ 25 ᐳᓴᓐᑎᒥᒃ ᐅᓄᖅᓯᒋᐊᕐᓂᐊᕐᓂᖏᓐᓂᒃ ᐊᕐᕌᒍᓂ ᐊᒡᒋᖅᑐᓂ ᐅᓄᕐᓂᖏᑦ ᑲᓇᑕᐅᑉ ᐱᖓᖕᓇᖓᓂ ᐃᖅᑲᓇᐃᔮᒃᓴᑦ ᑕᐅᑐᒐᖃᓪᓗᐊᑕᖅᑐᑦ ᐱᔨᑦᑎᕋᕐᓂᕐᒥᒃ. ᑕᒪᓐᓇ ᐱᕈᖅᐸᓪᓕᐊᓂᖅ ᐱᕈᖅᑎᑦᑎᓂᐊᖅᐳᖅ ᐱᑐᐃᓐᓇᐅᙱᑦᑐᓂᒃ ᐊᔪᙱᓐᓂᕆᔭᐅᔪᓂᒃ ᐊᕕᒃᑐᖅᓯᒪᓂᐅᔪᒥᑦ, ᓴᖅᑭᑎᑦᑎᓗᓂ ᐱᕕᒃᓴᓂᒃ ᑭᖑᕚᒃᓴᑦᑎᓐᓄᑦ ᖃᕆᑕᐅᔭᓕᕆᔨᒻᒪᕆᖕᓄᑦ ᓴᙱᒃᑎᒋᐊᕐᓗᒍᓗ ISMᐊᑯᓂᐅᔪᒧᑦ ᐊᖏᖅᓯᒪᓂᕆᔭᖓ ᐱᕙᓪᓕᐊᑎᑦᑎᓂᕐᒥᑦ ᑲᓇᑕᒥ ᖃᕋᓴᐅᔭᓕᕆᓂᕐᒧᑦ ᐃᖅᑲᓇᐃᔭᖅᑎᓂᑦ.
"ᒐᕙᒪᕗᑦ ᑕᐅᑐᒐᖃᓪᓗᐊᑕᖅᐳᖅ ᐱᕈᖅᑎᑦᑎᕙᓪᓕᐊᓂᕐᒥᒃ ᓴᙱᔪᒥᒃ ᑮᓇᐅᔭᓕᐅᕋᓱᖕᓂᕐᒧᑦ ᓴᖅᑭᑎᑦᑎᓂᕐᒥᒡᓗ ᑐᑭᖃᑦᑎᐊᖅᑐᓂᒃ, ᐊᔪᙱᓐᓂᖃᑦᑎᐊᖅᑐᓂᒃ ᐃᖅᑲᓇᐃᔮᒃᓴᓂᒃ ᐃᓄᖕᓄᑦ ᓴᔅᑳᑦᓱᐊᓐᒥᐅᓄᑦ. ᐱᒃᑯᒍᓱᒃᐳᒍᑦ ᑕᑯᔪᓐᓇᕋᑦᑕ ᓄᓇᓕᖕᓂ ᐱᓕᕆᖃᑎᒋᔭᐅᕙᒃᑐᓂᒃ ᑮᓇᐅᔭᓕᐅᕋᓱᒃᐸᒃᑐᓂᒃ ᓯᕗᒃᑲᖅᑕᖅᑐᓂᒃ ᐱᓕᕆᔾᔪᑎᓄᑦ ᐋᖅᑭᒃᓯᒪᓕᕈᑕᐅᕙᒃᑐᓂᒃ ᑕᐃᒪᐃᓕᐅᕐᓂᕐᒥᓂᓗ ᐊᖏᒡᓕᒋᐊᖅᑎᑦᑎᓪᓗᑎᒃ ᐊᐅᓚᓂᕆᔭᖏᓐᓂᒃ ᐊᔪᙱᓐᓂᕆᔭᖏᓐᓂᒡᓗ ᑕᒫᓂ ᐊᕕᒃᓯᒪᓂᕆᔭᐅᔪᒥ. ISM's Private Cloud and AI Platform ᐆᒃᑑᑎᑦᑎᐊᕙᐅᕗᖅ ᖃᓄᖅ ᓴᔅᑳᑦᓱᐊᓐ ᐃᑲᔪᖅᑐᐃᔪᓐᓇᕐᒪᖔᑦ ᓄᑖᙳᖅᐸᓪᓕᐊᔪᓂᒃ ᓴᖅᑭᑎᑦᑎᓗᓂᓗ ᐱᕕᒃᓴᓂᒃ ᐃᖅᑲᓇᐃᔭᖅᑎᒋᔭᐅᔪᓄᑦ ᓯᕗᓂᒃᓴᑦᑎᓐᓂ," ᐅᖃᓚᐅᖅᐳᖅ ᓵᓐ ᐅᐃᓪᓴᓐ, ᒥᓂᔅᑕ SaskBuilds ᐊᒻᒪ Procurement.
ᓴᓇᔭᐅᓯᒪᓪᓗᓂ 50 ᐊᕐᕌᒍᐃᑦ ᐅᖓᑖᓄᑦ ᐱᓕᕆᖃᑦᑕᖅᓯᒪᓂᑰᓪᓗᓂ ᐃᑲᔪᖅᑐᐃᓂᕐᒥᒃ ᐱᕐᔪᐊᖑᓪᓗᑎᒃ ᐱᓕᕆᔾᔪᑎᓄᑦ ᐊᕙᑎᒋᔭᐅᔪᓂᒃ ᑲᓇᑕᒥ, ᑖᓐᓇ ᐱᔨᑦᑎᕋᕐᓂᕆᔭᐅᕙᒃᑐᖅ ᐃᑲᔪᖅᐸᒃᐳᖅ ᑲᑐᔾᔨᖃᑎᒌᓂᒃ ᐊᖏᒡᓕᒋᐊᖅᑎᑦᑎᓂᕐᒥᒃ ᐊᑭᖏᓐᓂᒃ ᑐᓴᖅᑕᐅᔪᒃᓴᖁᑎᖏᑕ ᐱᖁᑎᖏᓐᓂᒃ ᑕᐃᒪᐃᓕᐅᕐᓂᕐᒥᓂᓗ ᐊᖑᒻᒪᑎᓗᑎᒃ ᐊᐅᓚᑦᑎᕝᕕᖃᕐᓂᕐᒥᒃ ᒪᓕᑦᑎᐊᕐᓂᕐᒧᓪᓗ ᐱᔭᐅᔭᕆᐊᓕᖕᓂᒃ. ISMᓇᖕᒥᓂᕆᔭᐅᔪᓄᑦ cloud−ᒧᑦ ᐊᔪᙱᓐᓂᕆᔭᐅᔪᑦ ᐱᑎᑦᑎᕙᒃᐳᑦ ᐅᒃᐱᕆᔭᐅᔪᓐᓇᑦᑎᐊᖅᑐᒥᒃ ᑲᓇᑕᒥᐅᓄᑦ ᐃᓂᒋᔭᐅᕙᒃᑐᒥᒃ ᐃᑲᔪᖅᑐᐃᔪᒥᒃ ᑎᑎᕋᖅᓯᒪᔪᓂᒃ ᖃᕆᑕᐅᔭᒃᑯᓪᓗ ᐊᐅᓚᑦᑎᕝᕕᖃᕐᓂᕐᒥᒃ.
ᐅᑯᑎᒎᓇᖅ ISM, ᑲᑐᔾᔨᖃᑎᒌᑦ ᓴᔅᑳᑦᓱᐊᓐᒥ ᐊᒻᒪ ᐅᐊᓕᓂᕐᒥᐅᑦ ᐊᑐᕈᓐᓇᖅᐳᑦ ᓄᓇᓕᖕᓂ ᑲᔪᓯᑎᑦᑎᔨᓂᒃ ᐃᑲᔪᖅᓱᖅᑕᐅᓪᓗᑎᒃ Kyndryl−ᑯᑦ ᓄᓇᕐᔪᐊᓕᒫᒥ ᐊᖏᑎᒋᓂᖓᓂᒃ, ᐊᔪᙱᓐᓂᕆᔭᖏᓐᓂᒃ ᐊᒻᒪ ᐱᓕᕆᖃᑎᒋᔭᖏᓐᓂᒃ. ᐋᖅᑭᒃᓱᖅᑕᐅᓯᒪᔪᖅ, ᓴᓇᔭᐅᔪᖅ, ᐊᒻᒪ ᐊᐅᓚᑕᐅᔪᖅ ᐅᑯᓄᖓ ISMcloud-ᓕᕆᔨᒻᒪᕆᒃ, ᐃᒻᒥᒃᑰᖅᑐᖅ cloud-ᖓ ᐃᓂᖃᖅᑎᑕᐅᕗᖅ SaskTel-ᑯᑦ Tier III Data Centre-ᒥ. ᐱᓕᕆᖃᑎᖃᕐᓂᖅ SaskTel-ᑯᓐᓂᒃ ᓴᖅᑭᑎᑦᑎᕗᖅ AI ᖃᕋᓴᐅᔭᓕᕆᔪᓐᓇᕐᓂᒃᑲᓐᓂᕐᓂᒃ ᐊᐅᓚᑕᐅᔪᓂᒃ SaskTel-ᑯᑦ GPU-as-a-Service ᒪᓂᒪᑎᑕᖏᓐᓂᒃ. ᐊᑕᐅᑦᑎᒃᑯᑦ, ᑖᒃᑯᐊ ᐊᔪᙱᓐᓂᕆᔭᐅᔪᑦ ᐃᑲᔪᖅᐸᒃᐳᑦ ISM ᐊᑐᖅᑎᐅᔪᑦ ᓱᒃᑲᒃᑎᒋᐊᖅᑎᑦᑎᕙᒃᐳᑦ ᓄᑖᙳᕆᐊᖅᑎᑦᑎᓂᕐᒥᒃ, ᐱᐅᓯᒋᐊᖅᑎᑦᑎᓪᓗᑎᒃ ᐊᑭᖏᓐᓂᒃ ᓇᓚᐅᑦᑖᕈᓐᓇᕐᓂᕐᒥᒃ ᐃᓕᐅᖅᑲᐃᓗᑎᒡᓗ ᐱᓕᕆᐊᒃᓴᓂᒃ ᐊᕙᑎᓄᑦ ᓈᒻᒪᓛᓄᑦ ᐱᔭᕆᐊᖃᖅᑕᖏᓐᓄᑦ.
ᒥᒃᓵᓄᑦ ISM
ISM, Kyndryl ᑲᒻᐸᓂᐅᔪᖅ, ᓯᕗᒃᑲᖅᑕᖅᑎᐅᕗᖅ ᐱᑎᑦᑎᕙᒃᖢᓂ ᖃᕆᑕᐅᔭᓕᕆᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓂᒃ ᑐᙵᕕᖃᑦᑎᐊᖅᖢᓂ ᓴᔅᑳᑦᓱᐊᓐᒥ 50 ᐊᕐᕌᒍᐃᑦ ᐅᖓᑖᓄᑦ ᐱᓕᕆᖃᑦᑕᖅᓯᒪᓂᑰᓪᓗᓂ ᐃᑲᔪᖅᑐᐃᓂᕐᒥᒃ ᐱᒻᒪᕆᐊᓗᖕᓂᒃ ᐱᓕᕆᔾᔪᑕᐅᕙᒃᑐᓂᒃ ᐊᕙᑎᒋᔭᐅᔪᓂᒃ. ᐃᓚᒋᔭᐅᓪᓗᓂ Kyndryl−ᑯᓐᓄᑦ, ᓄᓇᕐᔪᐊᓕᒫᒥ ᐊᖏᓛᖑᓪᓗᓂ ᖃᕆᑕᐅᔭᓕᕆᓂᕐᒧᑦ ᓇᑉᐸᖅᑎᖅᑕᐅᓯᒪᔪᓄᑦ ᐱᔨᑦᑎᕋᕐᕕᖃᖅᐸᖕᓂᕐᒧᑦ, ISM ᑲᑎᑎᑦᑎᕙᒃᐳᖅ ᓄᓇᓕᖕᓂ ᐊᔪᙱᓐᓂᕆᔭᐅᔪᓂᒃ ᓄᓇᕐᔪᐊᓕᒫᒥ ᐊᔪᙱᓐᓂᕆᔭᐅᔪᓂᒃ ᐃᑲᔪᕈᒪᓪᓗᒋᑦ ᑲᑐᔾᔨᖃᑎᒌᖑᔪᑦ ᓄᑖᙳᕆᐊᖅᑎᑦᑎᓂᕐᒥᒃ, ᐊᐅᓚᑦᑎᓂᕐᒥᒃ ᐊᓯᔾᔨᖅᓯᓂᕐᒥᒡᓗ ᐱᓕᕆᔾᔪᑕᐅᕙᒃᑐᓂᒃ ᐊᓂᒍᖅᑎᑦᑎᓗᑎᒡᓗ ᐆᒃᑐᕋᒐᒃᓴᐅᔪᓂᒃ ᓇᖕᒥᓂᕆᔭᐅᔪᓄᑦ ᖃᓄᐃᓕᖓᓕᕐᓂᕆᔭᐅᔪᓂᒃ.
ᓯᕗᒻᒧᐊᒃᐸᓪᓕᐊᓂᕐᒧᑦ ᐅᖃᐅᓯᐅᓯᒪᔪᑦ
ᑖᓐᓇ ᑐᓴᒐᒃᓴᖅ ᐃᓗᓕᖃᖅᐳᖅ "ᓯᕗᒻᒧᐊᒃᐸᓪᓕᐊᓂᕐᒧᑦ ᑎᑎᕋᖅᓯᒪᔪᓂᒃ" ᑐᑭᖓ ᒪᓕᒃᖢᒍ ᐃᓛᒃᑰᖅᑐᑦ ᓇᓪᓕᐅᒃᑯᒫᑦ ᐃᖅᑲᖅᑐᐃᕕᒃᑰᖅᑎᑦᑎᓇᓱᖕᓂᕐᒧᑦ ᐋᖅᑭᒋᐊᖅᓯᓂᕐᒧᑦ ᐱᖁᔭᖅ 1995−ᒥ. ᑕᒪᒃᑯᐊ ᓯᕗᒻᒧᐊᒃᐸᓪᓕᐊᓂᕐᒧᑦ ᐅᖃᐅᓯᐅᓯᒪᔪᑦ ᐃᓗᓕᖃᕋᔪᒃᐳᑦ ᐅᖃᐅᓯᕐᓂᒃ ᓲᕐᓗ "ᑐᕌᕆᔭᖃᕐᓂᖅ", "ᓂᕆᐅᒋᔭᖃᕐᓂᖅ," "ᐅᒃᐱᕆᔭᖃᕐᓂᖅ," "ᑕᐃᒪᐃᑐᐃᓐᓇᕆᐊᓕᒃ," "ᓇᓚᐅᑦᑖᕐᓂᖅ," "ᓂᕆᐅᖕᓂᖅ," "ᓇᓚᐅᑦᑖᕐᓂᖅ," "ᑕᐃᒪᐃᑐᐃᓐᓇᕆᐊᓕᒃ," "ᑐᕌᒐᕆᔭᐅᔪᑦ," "ᐱᕕᒃᓴᖅ," "ᐱᕙᒌᔭᕐᓂᖅ," "ᐃᓂᒋᔭᖅ," "ᓇᓚᐅᑦᑖᕐᓂᖅ," "ᐱᓕᕆᐊᒃᓴᖅ," "ᑕᐃᒪᐃᓪᓗᐊᖅᑐᖅ," "ᕿᓂᕐᓂᖅ," "ᑐᕌᕆᔭᖅ," "ᑕᐃᒪᐃᓐᓂᐊᖅᑐᖅ," "ᑕᐃᒪᐃᓐᓂᐊᖅᑐᖅ" ᐊᓯᖏᓪᓗ ᐊᔾᔨᑲᓴᖏᑦ ᐅᖃᐅᓰᑦ ᐅᖃᐅᓯᐅᔪᓪᓘᓐᓃᑦ ᐱᐅᙱᓐᓂᖏᓐᓂᒡᓘᓐᓃᑦ ᐊᓯᖏᓐᓂᒡᓘᓐᓃᑦ ᐊᔾᔨᒌᙱᑦᑑᑎᓂᒃ. ᑎᑎᕋᖅᓯᒪᔪᓕᒫᑦ ᐊᓯᖏᑦ ᐅᖃᐅᓯᐅᓯᒪᔪᑦ ᑭᖑᓂᑦᑎᓐᓂ ᓱᓕᔪᑦ, ᐃᓚᒋᔭᐅᓪᓗᑎᒃ ᑭᒡᓕᖃᙱᖦᖢᑎᒃ ᐅᖃᐅᓯᐅᓯᒪᔪᑦ ᐱᔾᔪᑎᓖᑦ ᑲᒻᐸᓂᐅᑉ ᐸᕐᓇᐅᑎᖏᓐᓂᒃ, ᑎᑭᑕᐅᔪᒪᔪᓂᒃ, ᑐᕌᒐᕆᔭᐅᔪᓂᒃ, ᐅᒃᐱᕆᔭᐅᔪᓂᒃ, ᓇᖕᒥᓂᖃᕐᓂᕐᒧᑦ ᖃᓄᐃᓕᐅᕈᑕᐅᔪᒪᔪᓂᒃ, ᓯᕗᓂᒃᓴᒥ ᖃᓄᐃᓕᐅᖅᑕᐅᕙᓪᓕᐊᔪᓂᒃ, ᓇᖕᒥᓂᕆᔭᐅᔪᑦ ᖃᓄᐃᓕᖓᓂᖏᓐᓂᒃ, ᐊᐅᓚᑕᐅᔪᑦ ᖃᓄᐃᓕᖓᓂᖏᓐᓂᒃ, ᑮᓇᐅᔭᑦ ᖃᓄᐃᓕᖓᓂᖏᓐᓂᒃ, ᓇᖕᒥᓂᖃᕐᓂᕐᒧᑦ ᖃᓄᐃᓕᖓᓂᐊᕋᓱᒋᔭᐅᔪᑦ ᐊᒻᒪ ᓇᖕᒥᓂᕆᔭᐅᔪᑦ ᖃᓄᐃᓕᕙᓪᓕᐊᓂᖏᑦ ᐊᓯᖏᓪᓗ ᐊᑐᖅᑕᐅᓚᐅᖅᓯᒪᙱᑦᑐᑦ ᑎᑎᕋᖅᓯᒪᔪᑦ, ᓯᕗᒻᒧᐊᒃᐸᓪᓕᐊᓂᕐᒧᑦ ᐅᖃᐅᓯᐅᕗᑦ. ᑖᒃᑯᐊ ᑎᑎᕋᖅᓯᒪᔪᑦ ᓯᕗᓂᒃᓴᒥ ᐱᓕᕆᓂᐊᕐᓂᕋᖅᓯᒪᙱᓚᑦ ᐅᖃᐅᓯᖃᑐᐃᓐᓇᖅᖢᑎᒡᓗ ᐅᓪᓗᖓᓂ ᑖᔅᓱᒪ ᑐᓴᒐᒃᓴᓕᐊᖑᔪᒥ. ᑭᓯᐊᓂ ᐱᔭᕆᐊᖃᖅᑎᑕᐅᒃᐸᑦ ᒪᓕᒐᖅᑎᒍᑦ, ᑲᒻᐸᓂ ᑲᒪᒋᔭᒃᓴᖃᙱᓚᖅ ᓄᑖᙳᕆᐊᖅᑎᑦᑎᓂᕐᒥᒃ ᐋᖅᑭᒋᐊᖅᓯᓂᕐᒥᒡᓘᓐᓃᑦ ᓇᓕᐊᖕᓂᑐᐃᓐᓇᖅ ᓯᕗᒻᒧᐊᒃᐸᓪᓕᐊᔪᓂᒃ ᑎᑎᕋᖅᓯᒪᔪᓂᒃ, ᑕᐃᒪᐃᔾᔪᑎᖃᕋᓗᐊᖅᐸᑕ ᓄᑖᓂᒃ ᑐᓴᖅᑕᐅᔪᒃᓴᓂᒃ, ᓯᕗᓂᒃᓴᒥ ᖃᓄᐃᓕᐅᕐᓂᐅᓂᐊᖅᑐᓂᒃ ᐊᓯᐊᒍᓪᓘᓐᓃᑦ. ᓴᖅᑭᓪᓚᑦᑖᖅᑐᑦ ᓴᖅᑭᑦᑐᓪᓘᓐᓃᑦ ᐊᖏᔪᒻᒪᕆᖕᒥᒃ ᐊᔾᔨᒋᙱᑐᐃᓐᓇᕆᐊᖃᖅᐸᖏᑦ ᐅᖃᐅᓯᐅᓯᒪᔪᓂᑦ ᓯᕗᒻᒧᐊᒃᐸᓪᓕᐊᓂᕐᒧᑦ ᐅᖃᐅᓯᐅᓯᒪᔪᓂᑦ ᑕᐃᒪᐃᔾᔪᑎᖃᖅᖢᑎᒃ ᖁᐊᖅᓵᕐᓇᖅᑐᓂᒃ ᓇᓗᓇᖅᑐᓂᒡᓗ, ᐃᓚᒋᔭᐅᓪᓗᑎᒃ ᑕᐃᒃᑯᐊ ᓇᓗᓇᐃᖅᑕᐅᓯᒪᔪᑦ "ᖁᐊᖅᓵᕐᓇᕈᓐᓇᖅᑐᓄᑦ ᐱᔾᔪᑕᐅᔪᑦ" ᐊᕕᒃᓯᒪᓂᖓᓂ ᑲᒻᐸᓂᐅᑉ ᖃᖓᑦᑎᐊᓕᓴᐅᓛᖅ ᐊᕐᕌᒍᑕᒫᖅᓯᐅᑦ ᐅᓂᒃᑲᐅᓯᖓᓂ ᑎᑎᕋᕆᐊᓕᒃ 10-K−ᒥ, ᓄᑖᙳᕆᐊᖅᑎᑕᐅᒃᑲᓐᓂᑐᐃᓐᓇᕆᐊᖃᖅᖢᑎᒡᓗ ᖃᖓᙳᕌᖓᑦ ᑲᒻᐸᓂᐅᑉ ᑭᖑᓂᐊᒍᑦ ᑐᖅᑯᖅᑕᐅᔪᓄᑦ ᓇᓪᓕᐅᒃᑯᒫᓄᑦ ᑕᐅᖅᓰᓂᕐᒧᓪᓗ ᑲᑎᒪᔨᓄᑦ.
