ᑮᓇᐅᔭᖃᖅᑎᑦᑎᔩᑦ ᐊᒻᒪ ᓄᓇᓕᖕᓂ ᑐᓴᐅᒪᑎᑦᑎᔨᑦ

Regina Open Door Society

ᐅᑯᓇᓂ Regina Open Door Society (RODS) ᑮᓇᐅᔾᔭᒃᓴᕋᓱᐊᖅᑎᐅᙱᖦᖢᑎᒃ ᑲᑐᔾᔨᖃᑎᒌᖑᕗᑦ ᓄᓇᓕᖕᓂ ᐊᒻᒪ ᐃᓚᓕᐅᔾᔨᓂᕐᒧᑦ ᐱᔨᑦᑎᕋᐅᑎᓂᒃ ᓴᖅᑭᑎᑦᑎᕙᒃᖢᑎᒃ ᕿᒫᔪᓄᑦ ᐊᒻᒪ ᑲᓇᑕᐅᑉ ᓯᓚᑖᓂᙶᖅᓯᒪᔪᓄᑦ ᕆᔭᐃᓇᒥ. RODS−ᑯᑦ ᐱᓕᕆᐊᖃᓪᓚᕆᒍᒪᕗᑦ ᐊᖑᒻᒪᑎᔪᒪᓪᓗᑎᒃ ᐱᔭᐅᔭᕆᐊᓕᖕᓄᑦ ᓄᑖᓄᑦ ᑎᑭᑉᐸᓪᓕᐊᔪᓄᑦ ᒪᓂᒪᑎᑦᑎᓂᒃᑯᑦ ᐱᓕᕆᐊᒃᓴᓂᒃ ᐱᔨᑦᑎᕋᕐᓂᕆᔭᐅᕙᒃᑐᓂᒡᓗ ᐊᔪᖅᑎᑦᑎᙱᑦᑐᓂᒃ ᓴᖅᑭᔮᓕᖅᑎᑦᑎᔪᓐᓇᕐᓂᕐᒥᒃ ᑐᕌᕆᔭᒥᓂᒃ ᐃᓚᐅᑦᑎᐊᖅᐸᒃᖢᑎᒡᓗ ᐊᖏᓂᖅᓴᓂ ᓄᓇᓕᖕᓂ.

ᐊᑭᓕᖅᓱᖅᑕᐅᓇᑕ ᐱᓕᕆᕙᒃᐳᒍᑦ RODS−ᑯᓐᓂ ᐃᑲᔪᕈᒪᓪᓗᑕ ᑎᑭᑉᐸᓪᓕᐊᔪᓂᒃ ᕿᓂᖅᑐᓂᒃ ᐊᔪᕈᓐᓃᖅᓴᖅᑎᑕᐅᓂᕐᒥᒃ ᐃᖅᑲᓇᐃᔮᖃᓕᕐᓂᕐᒥᒡᓗ ᖃᕆᑕᐅᔭᓕᕆᓂᕐᒥ ᐱᓕᕆᓂᕆᔭᐅᕙᒃᑐᒥ. ᐃᓚᖓᑦ ᑐᓴᕈᒥᓇᖅᑐᖅ ᖃᓄᐃᓕᐅᕐᓂᐅᔪᖅ ᐃᑲᔪᖅᑐᖅᑕᕗᑦ ᐊᕐᕌᒍᑕᒫᑦ ᐱᓕᕆᔾᔪᑎᓄᑦ ᐊᔪᙱᑕᖃᕐᓂᕐᒧᑦ ᑕᑯᑦᓴᐅᑎᑦᓯᓂᖅ ᐃᑲᔪᖃᑦᑕᖅᑕᕗᑦ ᐱᓕᕆᖃᑎᒌᑦ ᑕᑯᓐᓇᒐᖃᕐᓂᖏᓐᓄᑦ ᐃᓅᓯᖓᓅᖁᓪᓗᒋᑦ ᐃᖅᑲᖅᑐᐃᓗᑎᓪᓗ ᑭᖑᓪᓕᖅᐹᒥ ᐅᓂᒃᑳᖅᑐᓂᑦ. ᐃᖅᑲᓇᐃᔭᖅᑎᑖᕈᓐᓇᖅᓯᒪᒋᕗᒍᑦ ᐃᓄᓐᓂᒃ ᐱᓕᕆᖃᑎᒋᓯᒪᔭᑦᑎᓐᓂᒃ.

ᐅᐱᒍᓱᒃᐳᒍᑦ ᐃᑲᔪᖅᑐᐃᔪᓐᓇᕋᑦᑕ RODS−ᑯᓐᓂ ᑕᐅᑐᖅᑰᖅᑕᒥᓂᒃ ᓴᖅᑭᑦᑎᔪᒪᓪᓗᑎᒃ ᑐᙵᓇᖅᑐᒥᒃ ᓄᓇᓕᖕᓂ ᐱᐅᓯᒋᐊᖅᑕᐅᓯᒪᔪᓂᒃ ᐊᔾᔨᒌᙱᕈᓘᔭᖅᑐᓄᑦ ᐊᒻᒪ ᓴᙱᓂᕆᔭᐅᔪᓄᑦ ᑎᑭᑉᐸᓪᓕᐊᔪᓄᑦ ᑲᓇᑕᒧᑦ.

Red Cross

ᐅᖂᑦᑎᓂᖅ

ᐅᒃᕋᐃᓐ ᐅᓇᑕᕐᓂᖅ ᐱᒋᐊᖅᑎᓪᓗᒍ ᐊᐃᕆᓕ 2022−ᒥ, ISM ᑲᒻᐸᓂᓕᒫᒥᑦ ᑮᓇᐅᔭᓂᑦ ᐱᕈᖅᓴᐃᓇᓱᓚᐅᖅᑐᑦ ᐅᓇᑕᕐᔪᐊᖅᑐᓄᑦ ᐃᑲᔫᑎᓄᑦ, ᐊᔾᔨᒌᓂᑦ ᑐᓐᓂᖅᑯᓯᐊᓂᑦ ᐃᖅᑲᓇᐃᔭᖅᑎᓄᑦ. ᑲᓇᑕᒥᐅᑦ Red Cross ᐃᑲᔪᖅᓱᐃᔪᖅ ᐱᓇᔪᖕᓂᖏᓐᓂ Red Cross ᓅᑉᐸᒃᑐᑦ ᐱᓕᕆᖃᑎᒋᔭᐅᔪᑦ ᐱᑎᑦᑎᔪᒪᓪᓗᑎᒃ ᐃᓄᖕᓂᒃ ᐃᑲᔪᕐᓂᕐᒥᒃ ᑕᒪᒃᑯᓄᖓ ᐊᒃᑐᖅᑕᐅᓯᒪᔪᓄᑦ ᐊᒃᓱᕈᕐᓇᖅᑐᒧᑦ ᐅᑮᓐᒥ.

ᕿᑲᕐᓇᐅᑎᓪᓗᒍ ᐱᓕᕆᕕᖃᕐᓂᖅ

ᐃᖅᑲᓇᐃᔭᖅᑎᖃᕋᑦᑕ ᐊᒥᓱᓂᒃ ᑲᓇᑕᒥ ᓄᓇᓕᐸᐅᔭᕐᓂᒃ, ᑲᒪᑦᑎᐊᖃᑦᑕᖅᑐᒍᑦ ᐃᑲᔪᑐᐃᓐᓇᖅᑐᓂᒃ ᑐᓂᓯᖃᑦᑕᖅᑐᑕ ᐊᔾᔨᒌᓐᖏᑦᑐᓂᒃ ᓄᓇᓕᓐᓂ. ᐊᕐᕌᒍᑕᒫᑦ, ᓂᕈᐊᖃᑦᑕᖅᑐᒍᑦ ᓄᓇᓕᓐᓂᑦ ᐃᑲᔪᖃᑦᑕᖅᑐᓂᑦ ᐃᑲᔪᖅᑐᕐᓂᕐᒥᑦ ᓇᓕᒧᑎᑦᓯᓂᕐᒥᑦ ᐱᒻᒪᕆᐅᒋᔭᐅᔪᓂᑦ ᑐᑦᓯᕋᐅᑎᖏᓐᓂᓪᓗ ᐃᖅᑲᓇᐃᔭᖅᑎᑎᓐᓂᑦ, ᐊᓯᔾᔩᒐᓱᐊᕐᓂᕐᒥᑦ ᑕᐃᒃᑯᓄᖓ ᐱᔭᕆᐊᓕᓐᓄᑦ. ᑖᒃᑯᐊ ᑕᕝᕙ ᐃᑲᔪᓚᐅᖅᑕᕗᑦ ᑕᖅᑭᐅᕋᑖᖅᑐᓂ.

• Calgary CIWA - ᑎᒍᐊᕐᓂᖅ ᖃᑕᙳᑎᒌᓂᒃ: CIWA−ᑯᑦ ᐃᑲᔪᖅᑐᐃᓲᑦ ᑲᓇᑕᐅᑉ ᓯᓚᑖᓂᙶᖅᑐᓂᒃ ᐊᒻᒪ ᕿᒫᔪᓂᒃ ᐊᕐᓇᓂᒃ, ᓂᕕᐊᖅᓵᓂᒃ, ᖃᑕᙳᑎᖏᓐᓂᒡᓗ 50 ᐅᖓᑖᓂ ᐱᓕᕆᐊᒃᓴᓕᖕᓂᒃ ᐃᑲᔪᕈᓐᓇᖅᑐᓂᒃ ᓄᓇᓕᖕᓂ ᐱᔭᐅᒋᐊᓕᖕᓄᑦ.
• Christmas Bureau of Edmonton - ᐊᑐᓕᕐᓂᖅ ᒪᒃᑯᒃᑐᒥᒃ: ᓂᕆᑎᑦᑎᓲᖅ ᐃᑦᒪᓐᑕᓐ ᖃᑕᙳᑎᖏᓐᓄᑦ, ᐃᓐᓇᕐᓄᑦ, ᐃᓄᑐᐃᓐᓇᕐᓄᓪᓗ ᐱᔭᕆᐊᓕᖕᓄᑦ.
• Vancouver Holiday Helpers - ᑮᓇᐅᔭᖃᖅᑎᑦᑎᓲᑦ ᐃᓚᒌᓂᑦ: ᕿᑲᕐᓇᐅᑎᓪᓗᒍ ᐃᑲᔪᖅᑏᑦ ᑲᓇᑕᒥ ᐊᑎᓕᐅᖃᑕᐅᓯᒪᔪᑦ ᑮᓇᐅᔭᓕᐅᕋᓱᐊᕋᑎᒃ ᐱᓇᓱᐊᖅᑕᖏᑦ ᐊᑕᐅᓯᐊᕐᓗᑎᒃ ᖁᕕᐊᓱᕝᕕᒻᒥ ᐴᖅᑲᖅᓯᒪᔪᑦ ᑮᓇᐅᔭᓕᐅᓗᐊᙱᑦᑐᓄᑦ ᐃᓚᒌᓄᑦ ᓱᕈᓯᓕᓐᓄᑦ.
• CFAX Victoria - ᓵᓐᑕᐅᑉ ᐋᓐᓄᐃᓴᓐ, ᑮᓇᐅᔭᖃᖅᑎᑦᑎᔪᖅ ᓄᑕᖅᑲᒥᒃ/Hᐋᒻᐳᔅᒥᒃ: CFAX ᓵᓐᑕᐅᑉ ᐋᓐᑕᓇᐃᒥ ᑲᑐᔾᔨᖃᑎᒌᑦ ᐃᓚᒋᔭᐅᕗᖅ ᕕᒃᑐᐊᕆᐊᒥ ᐊᑯᓂᐅᓛᖑᓪᓗᓂ ᐊᐅᓚᑦᑎᓪᓗᓂ ᓄᑕᖅᑲᑦ ᐃᑲᔪᖅᐸᖕᓂᖏᓐᓂᒃ, ᐱᔭᒃᓴᕆᔭᖓᑦ ᐱᔨᑦᑎᕋᕈᒪᓪᓗᑎᒃ ᐃᓚᒌᓂᒃ ᓄᑕᖅᑲᓂᒃ ᐱᔭᕆᐊᖃᖅᑐᓂᒃ.
• City Kids Regina - ᖁᕕᐊᓱᒡᕕᒃᓯᐅᑦᑎᐊᖅᑎᑦᑎᓂᖅ, ᓄᑕᖅᑲᒥᒃ ᐃᑲᔪᖅᑐᐃᔪᖅ: ᐊᒃᑐᖅᓯᓂᖅ ᓄᑕᖅᑲᓂᒃ ᒪᒃᑯᒃᑐᓂᒡᓗ ᕆᔭᐃᓇᒥ, ᐱᔭᒃᓴᕆᔭᖓᑦ ᓄᑕᖅᑲᓕᒫᓂᒃ ᐊᔪᖅᓴᕈᓐᓃᖅᑎᑦᑎᔪᒪᓪᓗᑎᒃ ᐱᑎᓪᓗᒋᓪᓗ ᖁᐊᖅᓵᕐᓇᙱᑦᑐᒥᒃ ᐃᓂᒥᒃ.
• Saskatoon Secret Santa – ᑐᓐᓂᖅᑯᓯᐊᑦ: ᖁᕕᐊᓱᒡᕕᖕᒥᑦ ᐃᓚᒌᓄᑦ ᐱᙳᐊᓄᓪᓗ ᓄᑕᖅᑲᓄᑦ ᓄᓇᓕᖕᓂᑦ.
• Winnipeg Christmas Cheer Board – ᑐᓐᓂᖅᑯᓯᐊᑦ: ᖁᕕᐊᓱᒡᕕᖕᒥᑦ ᑐᓂᓯᓂᖅ, ᐊᕿᒡᒋᕐᔪᐊᖅ, ᑐᓐᓂᖅᑯᓯᐊᓂᒡᓗ ᐃᓚᒌᓄᑦ ᐱᔭᕆᐊᓕᖕᓄᑦ ᓄᓇᓕᖕᓂᑦ.
• Toronto Santa Clause Fund − ᓄᑕᖅᑲᒥᒃ ᐱᑎᑦᑎᓂᖅ: ᖁᕕᐊᓱᒡᕕᑕᒫᑦ, Toronto Santa Clause Fund 50,000-ᓂᒃ ᐱᔪᓐᓇᕐᓂᖃᙱᑦᑐᓂᒃ ᓄᑕᖅᑲᓂᒃ ᑐᓐᓂᖅᑯᓯᐊᖅᑎᑦᑎᖃᑦᑕᖅᐳᑦ.