ᐅᖅᓱᐊᓗᒃᓯᐅᖅᑕᐅᓯᒪᔪᑦ ᓄᑖᙳᖅᐸᓪᓕᐊᔪᓄᑦ ᐊᒻᒪ ᓄᑖᓂᒃ ᓴᖅᑭᑕᐅᔪᓄᑦ

2020−ᒥ, ᓴᔅᑳᑦᓱᐊᓐ ᒐᕙᒪᖓ ᐱᒋᐊᖅᑎᑦᑎᓚᐅᖅᐳᖅ 10−ᓄᑦ ᐊᕐᕌᒍᓄᑦ ᐊᖏᒡᓕᕙᓪᓕᐊᓂᕐᒧᑦ ᐱᕙᒌᔭᖅᓯᒪᔭᒥᓂᒃ, ᐃᓗᓕᖃᐅᑦᑎᐊᖅᑐᒥᒃ ᖃᓄᐃᓕᐅᖅᑕᐅᔪᒪᔪᒥᒃ ᐋᖅᑭᒃᓱᖅᑕᐅᓯᒪᓪᓗᓂ ᐋᖅᑭᒃᓱᐃᕙᓪᓕᐊᓂᐊᕐᓗᓂ ᓴᙱᔪᒥᒃ ᑮᓇᐅᔭᓕᐅᕋᓱᖕᓂᕆᔭᐅᕙᒃᑐᒥᒃ, ᓴᙱᓂᖅᓴᒥᒃ ᓄᓇᓕᖕᓂᒃ, ᐱᐅᓂᖅᓴᒥᒡᓗ ᐃᓅᓯᖃᕐᓂᕐᒥᒃ ᐃᓄᒋᔭᐅᔪᓄᑦ ᓵᔅᑳᑦᓱᐊᓐᒥᐅᓄᑦ.

2030-ᒧᑦ ᑎᑭᓪᓗᒍ, ᑲᓇᑕᒥ ᐊᕕᒃᑐᖅᓯᒪᔪᑦ ᑐᕌᒐᖃᖅᐳᑦ ᐃᓄᒋᐊᒃᓯᕚᓪᓕᖁᓪᓗᒋᑦ 1.4-ᒥᓕᐊᓂᒃ ᐃᓄᖕᓂᒃ, ᓴᖅᑭᑦᑎᓗᑎᒃ 100,000-ᓂᒃ ᓄᑖᓂᒃ ᐃᖅᑲᓇᐃᔮᒃᓴᓂᒃ, ᐅᓄᖅᓯᒋᐊᕐᓗᑎᒃ ᑲᓇᑕᐅᑉ ᓯᓚᑖᓂᙶᖅᑐᑦ 50-ᐳᓴᓐᒥᒃ, ᐊᒻᒪ ᑮᓇᐅᔭᓕᐅᕋᓱᐊᕐᓗᑎᒃ $30-ᐱᓕᐊᓐ-ᓂᒃ ᓄᓇᓖᑦ ᐊᐅᓚᔪᓐᓇᐅᑎᖏᓐᓂᒃ. ᐸᕐᓇᐅᑎᐅᔪᖅ ᐱᖓᓱᐊᖅᑎᕐᓗᓂ ᐱᕈᖅᐸᓪᓕᐊᑎᑦᑎᖁᔨᕗᖅ ᓴᔅᑳᑦᓱᐊᓐᒥ ᓄᑖᖑᖅᐸᓪᓕᐊᔪᓄᑦ, ᑕᐃᓗᒋᑦ ᓄᑖᖑᖅᐸᓪᓕᐊᔪᑦ ᐊᒻᒪᓗ ᓄᑖᓂᒃ ᓴᖅᑮᓂᖅ "ᐱᕈᖅᐸᓪᓕᐊᓂᓪᓗᐊᑕᐅᔪᖅ ᑮᓇᐅᔭᓕᐅᕈᑕᐅᓇᓱᐊᖅᑐᓄᑦ." ᐊᖏᖃᑎᖃᒃᑲᓐᓂᕈᓐᓇᓚᐅᙱᑦᑐᖓ!

ᑲᔪᓯᔪᒃᑯᑦ ᑮᓇᐅᔭᓕᐅᕋᓱᐊᕐᓂᒃᑯᑦ ᓄᑖᙳᖅᐸᓪᓕᐊᔪᓄᑦ, ᓄᑖᓂᒃ ᓴᖅᑭᑦᑎᓂᕐᒧᑦ, ᐊᒻᒪᓗ ᐃᖅᑲᓇᐃᔮᓄᑦ, ISM ᑲᓇᑕ ᐃᑲᔪᖅᑐᐃᖏᓐᓇᕐᓂᐊᖅᑐᖅ ᓄᓇᓕᖕᓂ ᒪᑭᒪᔾᔪᑎᒃᓴᓄᑦ ᓵᔅᑳᑦᓱᐊᓐᒥ, ᐃᓄᖁᑎᖏᑦ ᓄᓇᓕᖏᓪᓗ ᐱᕈᖅᐸᓪᓕᐊᖏᓐᓇᖁᓪᓗᒋᑦ ᐱᕈᖅᐸᓪᓕᐊᖏᓐᓇᕐᓗᑎᒡᓗ. ᐊᑖᓂ ᐆᒃᑑᑎᐅᕗᑦ ᖃᓄᖅ ISM ᑲᓇᑕ ᐊᑐᖅᐳᖅ ᐱᓕᕆᔾᔪᑕᐅᕙᒃᑐᓂᒃ ᐃᓱᒪᒃᓴᖅᓯᐅᑦᑎᐊᖅᓯᒪᓪᓗᓂᓗ ᐱᑎᑦᑎᔪᒪᓪᓗᑎᒃ ᐃᑲᔪᖅᑐᐃᓂᕆᔭᑦᑎᓐᓂᒃ:

1. ᐱᕙᓪᓕᐊᑎᓪᓗᒋᑦ ᐃᖅᑲᓇᐃᔭᕈᒪᔪᑦ: ᑲᓇᑕᒥ 100−ᓂᒃ ᐃᖅᑲᓇᐃᔭᕐᕕᑦᑎᐊᕙᐅᓛᖑᖃᑕᐅᓪᓗᓂ, ISM ᑲᓇᑕ ᐊᖏᓛᖑᓪᓗᓂ ᖃᕆᑕᐅᔭᓕᕆᔾᔪᑎᓄᑦ ᐋᖅᑭᒍᑎᒃᓴᓄᑦ ᐱᓕᕆᕝᕕᒃ ᐊᒻᒪ ᐱᓕᕆᔾᔪᑎᓄᑦ ᐃᖅᑲᓇᐃᔭᕐᕕᑦᑎᐊᕙᐅᓛᖑᓪᓗᓂ ᓴᔅᑳᑦᓱᐊᓐᒥ. ᐱᓕᕆᖃᑎᒋᔭᕗᑦ ᐱᕚᓪᓕᖅᕙᒃᐳᑦ ᐃᑲᔪᖅᑐᖅᑕᐅᓂᒃᑯᑦ, ᐊᑐᖅᑕᐅᔪᓐᓇᖅᑐᑎᒍᑦ ᐱᓕᕆᖃᑎᒌᖕᓂᒃᑯᓪᓗ ᓯᕗᓕᖅᑎᐅᓂᕐᒥᒃ ᐱᓕᕆᔾᔪᑕᐅᕙᒃᑐᓄᑦ ᑲᑐᔾᔨᖃᑎᒌᓂᒃ ᐃᓚᒋᔭᐅᓪᓗᓂ ᐊᖓᔪᖅᑳᕗᑦ ᑲᒻᐸᓂᕗᑦ, ᑭᐊᓐᑐᕆᐅᓪ.
2. ᐱᕈᖅᐸᓪᓕᐊᑎᓪᓗᒍ ᒪᑭᒪᔾᔪᑎᒃᓴᑦ ᓄᑖᓂᒃ ᓴᖅᑭᑦᑎᓂᒃᑯᑦ ᐱᓕᕆᔾᔪᑎᑎᒍᓪᓗ: ᓴᔅᑳᑦᓱᐊᓐ ᒐᕙᒪᒃᑯᖏᑦ ᐱᓕᕆᖃᑎᒋᓪᓗᒋᑦ, ᓄᑖᕈᕆᐊᖅᑎᑦᑎᓯᒪᔪᒍᑦ ᒐᕙᒪᒃᑯᑦ ᑐᒃᓯᕋᐅᑎᖏᓐᓂᒃ ᐊᒻᒪᓗ ᐱᓕᕆᔾᔪᑎᖏᓐᓂᒃ ᐱᐅᓯᕚᓕᖁᓪᓗᒍ ᐱᔨᑦᑎᕈᑎᖏᑦ ᓴᔅᑳᑦᓱᐊᓐᒥᐅᑦ. ᐊᒻᒪᓗᑦᑕᐅᖅ IBM−ᑯᑦ ᐊᒻᒪ ᐅᐊᑦᓴᓐ ᐃᓕᓴᕆᔭᐅᔾᔪᑎᖏᑦ, ISM ᖃᖓᑦᑎᐊᖅ ᐊᓂᒍᖅᑎᑕᐅᓚᐅᖅᑐᑦ Microsoft Gold ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᑦ ᐊᔪᙱᓐᓂᕆᔭᐅᔪᑦ ᐊᑐᐃᓐᓇᐅᑎᑦᑎᕗᓪᓗ ᐱᐅᓛᓂᒃ−ᐃᓕᓐᓂᐊᕐᕕᐊᕈᓯᕐᒥ ᖃᐅᔨᓴᕈᓐᓇᕐᓂᕐᒥᒃ ᐃᓚᖃᖅᑐᓂᒃ ᑐᙵᕕᒋᔭᐅᔪᓂᒃ ᖃᕋᓴᐅᔭᒃᑯᑦ ᐱᔨᑦᑎᕋᐅᑎᓂᒃ, ᓇᖕᒥᓂᖃᕐᓂᕐᒥᒃ ᖃᐅᔨᒪᑦᑎᐊᕐᓂᕐᒥᒃ, ᐃᓂᖃᑦᑎᐊᕐᓂᕐᒥᒃ, ᓇᓚᐅᑦᑖᕐᓂᕐᒥᒃ, ᐊᒻᒪ ᐃᓱᒪᒃᑯᑦ (AI).
3. ᐃᓄᒋᐊᒃᓯᕙᓪᓕᐊᔪᑦ: ᑲᒻᐸᓂᕗᑦ ᐱᔪᒥᓴᐃᕙᒃᐳᖅ ᐊᔪᙱᑦᑐᓂᒃ ᑎᑭᑉᐸᓪᓕᐊᔪᓂᒃ ᓄᑖᓂᒡᓗ ᐊᓂᒍᐃᔪᓂᒃ ᐊᕕᒃᓯᒪᓂᕆᔭᐅᔪᒧᑦ ᐃᖅᑲᓇᐃᔮᒃᓴᑎᒍᑦ ᒪᓂᒪᑎᑕᐅᔪᑎᒍᑦ ᐃᖅᑲᓇᐃᔭᖅᑎᑦᑎᓕᕐᓂᕐᒧᓪᓗ. ᐃᖏᕐᕋᓪᓗᑕ ᓄᑖᓂᒃ ᓴᖅᑭᑦᑎᓂᖅ ᐃᓕᓐᓂᐊᕐᓂᓕᕆᓂᒃᑯᑦ, ᐱᓕᕆᖃᑎᖃᖅᐸᒃᐳᒍᑦ ᓴᔅᑳᑦᓱᐋᓐᒥ−ᑐᙵᕕᓕᖕᒥᒃ ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᐊᖑᕙᒃᑐᓂᒃ ᑲᓇᑕᒥᓗ ᖃᐅᔨᓴᕐᓂᕐᒧᑦ ᑲᑐᔾᔨᖃᑎᒌᓂᒃ ᓲᕐᓗ NSERC −ᑯᑦ Mitac−ᓗ ᑮᓇᐅᔭᖃᖅᑎᑦᑎᕙᒃᑐᑦ ᓄᓇᓕᖕᓂ ᐃᓕᓐᓂᐊᖅᑎᓂᒃ ᖃᐅᔨᓴᖅᑎᓂᒃ ᓴᖅᑭᑎᑦᑎᓪᓗᑎᒃ ᐃᖅᑲᓇᐃᔮᒃᓴᓂᒃ ᓂᕈᐊᕆᔭᒥᓂ ᐃᓂᒥᓂ ᐊᔪᕈᓐᓃᖅᓴᕐᓂᕆᔭᒥᓂ.
4. ᓴᙱᔪᓂᑦ ᓄᓇᓕᓕᐅᕐᓗᑎᒃ ᐃᑲᔪᖅᑐᐃᓗᑎᒡᓗ ᓄᓇᓕᖕᓂᑦ ᓇᖕᒥᓂᖁᑎᓕᖕᓂᑦ: ᖁᕕᐊᒋᑦᑎᐊᖅᐸᕗᑦ ᑲᑐᔾᔨᖃᑎᖃᑦᑎᐊᕐᓂᕗᑦ ᓄᓇᓕᖕᓂ ᖃᕆᑕᐅᔭᓕᕆᔨᒃᑯᓐᓂ, ᑐᙵᕕᒋᔭᐅᓪᓗᑎᒃ ᐃᒃᐱᒍᓱᑦᑎᐊᖃᑦᑕᐅᑎᓂᖅ ᐊᒻᒪ ᑕᑎᖃᕐᓂᖅ. ᑎᒥᐅᔪᓄᑦ ᑮᓇᐅᔭᖃᖅᑎᑦᑎᔨᕗᑦ ᑮᓇᐅᔭᖃᖅᑎᑦᑎᓲᖑᕗᑦ ᐃᓕᓐᓂᐊᕈᑎᒃᓴᓂᒃ ᐊᒻᒪᓗ ᓄᓇᓕᖕᓂ ᐱᓕᕆᐊᖑᕙᓪᓕᐊᔪᒪᔪᓂᒃ ᓲᕐᓗ ᐃᐊᑦᓐ ᑲᒪᒋᔭᐅᕙᒃᑐᑦ ᓄᓇᓕᖕᓂ ᐊᕐᕌᒍᖃᑎᒌᙱᑦᑐᓄᑦ ᐅᓪᓗᕆᔭᐅᑎᓪᓗᒍ ᕆᔭᐃᓇᒥ ᐊᒻᒪ ᐊᕐᕌᒍᑕᒫᑦ ᑲᒪᒋᔭᐅᕙᒃᑐᑦ ᖁᕕᐊᓱᖃᑎᒌᒃᖢᑎᒃ.
   

ᒫᓐᓇᐅᔪᖅ ᑮᓇᐅᔭᖅᑎᒍᑦ ᒪᑭᒪᔾᔪᑎᔅᓴᓄᑦ ᐊᔅᓱᕈᕈᑕᐅᖃᑦᑕᖅᑐᑦ ᐱᑎᓪᓗᒋᑦ, ᐱᕈᖅᐸᓪᓕᐊᓂᕐᒧᑦ ᐸᕐᓇᐅᑦ ᐱᔪᒥᓇᖅᑐᒻᒪᕆᐅᔮᖅᑐᖅ. ᑭᓯᐊᓂ ᐳᐃᒍᖅᑕᐃᓕᑕ ᓴᔅᑳᑦᓱᐊᓐ ᐱᓕᕆᖃᑎᒌᖃᑦᑕᖅᓯᒪᖕᒪᑦ ᐊᒃᓱᕈᕐᓇᖅᑐᒃᑯᑦ − ᐃᑲᔫᑎᖃᖁᓪᓗᒍ ᑕᒪᐃᓐᓄᑦ. ᐅᑉᐱᕈᓱᓪᓚᕆᒃᑲᒪ ᑕᒪᓐᓇ ᑲᑐᔾᔨᖃᑎᒌᓐᓂᖅ ᐱᐅᔪᒥᒃ ᐊᓯᔾᔩᓂᖃᕐᓂᐊᕐᒪᑦ ᐱᑕᖃᕆᐊᖃᖅᑐᓂᒃ ᒪᑭᒪᐅᑎᖃᑦᑎᐊᓂᕐᒧᑦ ᐊᒻᒪᓗ ᐃᓅᓯᓕᕆᓂᕐᒧᑦ ᓯᕗᓂᑦᑎᓐᓄᑦ ᑲᓇᑕᒥ ᐊᕕᑦᑐᖅᓯᒪᔪᖁᑎᑦᑎᓐᓄᑦ.

ᓴᔅᑳᑦᓱᐊᓐᒥ ᑲᒻᐸᓂᐅᔪᖅ, ᐅᒃᐱᕈᓱᒃᐳᒍᑦ ISMers-ᑎᑐᑦᑕᐅᖅ: ᐱᓕᕆᖃᑎᒌᑦᑎᐊᕐᓂᖅᓴᐅᓪᓗᑕ, ᓴᙱᓂᖅᓴᐅᓗᑕ ᐊᑕᐅᑦᑎᒃᑯᑦ. ᐱᓕᕆᖃᑎᒋᓪᓗᑎᒍᑦ ᐱᓕᕆᖃᑎᕗᑦ, ᐊᑐᐃᓐᓇᐅᕗᒍᑦ ᐱᑐᐃᓐᓇᕆᐊᖃᓕᖅᖢᑕ ᐊᒃᓱᕈᕐᓇᖅᑐᓂᑦ ᑭᓱᑦ ᓯᕗᓂᒃᓴᑦᑎᓐᓂᑦ ᓄᓇᒥᙶᖅᑐᓂᑦ ᐱᓕᕆᔾᔪᑎᓂᑦ ᓄᑖᓂᒡᓗ.

ᑕᒪᓐᓇ ᐊᖅᑯᑎᒋᓇᓱᐊᕐᓗᒍ, ᓴᔅᑳᑦᓱᐊᓐᒥ ᐱᕈᖅᐸᓪᓕᐊᓂᕐᒧᑦ ᐸᕐᓇᐅᑦ ᓴᖅᑮᓂᖅᐸᐅᓂᐊᖅᐳᖅ ᓄᑖᓂᒃ ᐊᑐᖅᑕᐅᔪᓐᓇᖅᑐᓂᒃ ᒪᒃᑯᑦᑐᖁᑎᑦᑎᓐᓄᑦ, ᐅᐸᒍᒥᓇᖅᓯᑎᑦᑎᓗᑎᒃ ᑎᑭᑉᐸᓪᓕᐊᔪᓂᒃ ᓯᓚᕐᔪᐊᕐᒥ, ᐊᒻᒪ ᓴᔅᑳᑦᓱᐋᓐᒥᐅᑦ ᐃᓅᓯᖃᑦᑎᐊᕐᓂᖅᓴᐅᖁᓪᓗᒋᑦ.

ᑎᓕᐅᖅᐸᔅᓯ ᐅᖃᓕᒫᖁᓪᓗᓯ ᐱᕈᖅᐸᓪᓕᐊᓂᕐᒧᑦ ᐸᕐᓇᐅᑎᒥᒃ ᐃᓕᖕᓄᑦ: ᓴᔅᑳᑦᓱᐋᓐ ᐱᕈᖅᐸᓪᓕᐊᓂᖓᓄᑦ ᐸᕐᓇᐅᑦ, ᑭᖑᓪᓕᕐᒥ ᐱᕈᖅᐸᓪᓕᐊᓂᖅ: 2020-2030.

‍